Inventari

Inventari (nëse është në paketën e klinikës) ka këto skeda: Produktet, Lëvizjet, Porositë, Hyrjet dhe Inventari fizik.

Produktet#

Produkte dhe materiale me kategori, njësi matëse dhe konvertime (p.sh. 1 kuti = 10 copë), stok minimal dhe magazina sipas degës. Materialet nën minimum dalin te Përmbledhja.

Porositë dhe hyrjet#

• Porosia te furnitori: Draft → E dërguar → Pjesërisht e marrë → E marrë (ose Anuluar).
• Hyrja shton stokun, me lot dhe skadencë, dhe mund të krijojë një shpenzim të vetëm të lidhur. Kështu blerja nuk regjistrohet dy herë.
• Hyrja manuale (jo nga blerje) nuk krijon shpenzim.

Konsumi nga trajtimet#

Kur procedura regjistrohet e kryer në vizitë, materialet e lidhura me shërbimin zbriten vetë nga magazina e degës. Zgjidhen lotet me skadencën më të afërt. Nëse procedura anulohet, materialet kthehen me lëvizje kompensuese.

Lëvizjet#

Hyrje, Dalje, Rregullim, Transfertë (hyrëse/dalëse), Diferencë inventari, Konsum nga trajtimi, Kthim (kompensim). Historiku nuk fshihet: gabimet korrigjohen me lëvizje kompensuese.

Inventari fizik#

Sistemi merr sasitë aktuale; ju shënoni sasinë e numëruar. Në mbyllje, diferencat bëhen lëvizje kompensuese dhe inventari kyçet. Mbyllja kërkon leje miratimi.

Kostoja#

Kostoja llogaritet me mesataren e ponderuar për çdo magazinë dhe produkt. Çdo hyrje rillogarit mesataren, dhe çdo dalje vlerësohet me mesataren e atij momenti.