Arkat dhe mbyllja e ditës

Çdo degë ka një ose më shumë arka. Çdo arkë mban një ose disa monedha. Gjendja ruhet veçmas për çdo monedhë.

Hapja e turnit#

• Turni i parë: shënoni sa cash ka në arkë për çdo monedhë.
• Turnet e tjera: gjendja e mbylljes së fundit mbartet. Numëroni arkën: nëse ka ndryshim, shkruani shpjegimin. Diferenca ruhet si lëvizje e veçantë ("Diferencë në hapje") dhe pret miratim.

Për çdo arkë lejohet vetëm një turn i hapur. Disa operatorë mund ta përdorin, dhe çdo veprim ruan autorin.

Gjatë ditës#

• Arkëtimet cash të pacientëve hyjnë vetë në turn.
• Hyrje / dalje tjetër: për lëvizje që nuk janë pagesa pacientësh (p.sh. blerje e vogël), me kategori dhe arsye.
• Furnizim i arkës: para të shtuara (p.sh. kusur nga kasaforta). Nuk është arkëtim.
• Transfertë: ndërmjet arkave ose drejt bankës. Nuk llogaritet si e ardhur.
• Këmbim valute: para të këmbyera realisht. Del njëra monedhë, hyn tjetra, me kursin.
• Dorëzim: një operator tjetër merr përgjegjësinë. Gjendja në atë moment ruhet.

Pagesat me kartë ose bankë nuk janë në arkë dhe nuk numërohen.

Mbyll ditën#

Butoni Mbyll ditën (edhe poshtë në menynë majtas) hap përmbledhjen e turnit. Për çdo monedhë:

• Gjendja e pritshme = Hapja + Hyrjet − Daljet
• Diferenca = Numërimi fizik − Gjendja e pritshme

Rregullat:

• Çdo monedhë duhet numëruar. Fusha bosh nuk është 0; shkruani 0.
• Nëse ka diferencë, shkruani arsyen. Ruhet si lëvizje "Diferencë në mbyllje" dhe miratohet nga kush ka lejen.
• Mungesa në EUR nuk mbulohet me tepricë në ALL. Pagesat e pacientëve nuk ndryshohen.
• Mbyllja nuk e zeron arkën: numërimi mbartet në turnin e ardhshëm.

Pas mbylljes#

Turni i mbyllur kyçet. Korrigjimet bëhen me Korrigjim në turnin e hapur, të lidhur me turnin që korrigjojnë, dhe kërkojnë leje. Shifrat e mbylljes nuk ndryshojnë.

Raporti i turnit (PDF dhe Excel) tregon hapjen, hyrjet, daljet, pritshmërinë, numërimin dhe diferencën. Shih edhe Raportet e arkës.